പാലക്കാട്: സാമൂഹിക പ്രവര്ത്തക കനകദുര്ഗയും മനുഷ്യാവകാശ പ്രവര്ത്തകന് വിളയോടി ശിവന്കുട്ടിയും വിവാഹിതരായി. പാലക്കാട് ചിറ്റൂര് സബ് രജിസ്ട്രാര് ഓഫീസില് സ്പെഷല് മാരേജ് ആക്ട് പ്രകാരമായിരുന്നു വിവാഹം.
രണ്ടു പേരുടെയും വളരെ അടുത്ത സുഹൃത്തുക്കള് മാത്രമാണ് ചടങ്ങിനുണ്ടായിരുന്നത്.
ശബരിമല സമരകാലത്താണ് താന് കനകദുര്ഗയെക്കുറിച്ച് അറിയുന്നത്. കഴിഞ്ഞ മെയ് മാസം പരസ്പരം പരിചയപ്പെട്ടു. അടുത്ത സുഹൃത്തുക്കളായതോടെ ഒരുമിച്ച് ജീവിക്കാന് തീരുമാനിക്കുകയായിരുന്നു എന്ന് ശിവന്കുട്ടി പറയുന്നു. വിവാഹിതരായെങ്കിലും ഇരുവരും അവരവരുടേതായ പ്രവര്ത്തനങ്ങള് തുടരുമെന്നും അദ്ദേഹം വ്യക്തമാക്കി.
ഭാര്യ- ഭര്ത്താക്കന്മാര് എന്നതിനപ്പുറം സഖാക്കളായി ഒന്നിച്ച് ജീവിക്കാനാണ് തീരുമാനം എന്ന് ഇരുവരും അറിയിച്ചു. ‘പട’ എന്ന സിനിമയ്ക്ക് അടിസ്ഥാനമായ യഥാര്ത്ഥ സംഭവത്തിലെ സമര നായകനാണ് വിളയോടി ശിവന്കുട്ടി.
