തിരുവനന്തപുരം: നവോത്ഥാന സംരക്ഷണ സമിതി സര്ക്കാര് പുനസംഘടിപ്പിക്കുന്നു. വലിയ ഇടവേളക്ക് ശേഷം നവോത്ഥാന സംരക്ഷണ സമിതിയുടെ യോഗം ഇന്ന് തിരുവനന്തപുരത്ത് നടക്കും. സ്ഥിരം സംവിധാനം ഒരുക്കാനാണ് സര്ക്കാര് തീരുമാനം. തിരുവനന്തപുത്ത് നടക്കുന്ന യോഗത്തില് മുഖ്യമന്ത്രിയും സമിതിയുടെ മറ്റ് നേതാക്കളും പങ്കെടുക്കും. തുടര് പരിപാടികള് യോഗത്തില് തീരുമാനിക്കും.
ശബരിമല സ്ത്രീ പ്രവേശനവുമായി ബന്ധപ്പെട്ട് സംഘ പരിവാര് വലിയ പ്രതിഷേധങ്ങളും പ്രചരണങ്ങളും നടത്തിയതിന് പിന്നാലെയാണ് നവോത്ഥാന സംരക്ഷണ സമിതി രൂപീകരിച്ചത്. തൊട്ട് പിന്നാലെ ലക്ഷക്കണക്കിന് സ്ത്രീകളെ പങ്കാളികളാക്കി വനിത മതിലുണ്ടാക്കി. എന്നാല് അതിന് ശേഷം സംഘടനയുടെ പ്രവര്ത്തനം മൂന്ന് നാല് യോഗങ്ങളില് ഒതുങ്ങി. നവോത്ഥാന സംരക്ഷണ സമിതിയെ പുനസംഘടിപ്പിക്കാനാണ് സര്ക്കാരിന്റെ തീരുമാനം.
