സംസ്ഥാനത്തെ ഓണാഘോഷങ്ങള്ക്ക് തിരുവനന്തപുരത്ത് വര്ണാഭമായ സാസ്കാരിക ഘോഷയാത്രയോടെ ഇന്ന് കൊടിയിറക്കം. വൈകീട്ട് അഞ്ചിന് മാനവീയം വീഥിയില് മുഖ്യമന്ത്രിയാകും സാസ്കാരിക ഘോഷയാത്ര ഫ്ലാഗ് ഓഫ് ചെയ്യുക.
76 ഫ്ലോട്ടുകളും പത്ത് ഇതര സംസ്ഥാനങ്ങളിലേതുള്പ്പെടെ 77 കലാരൂപങ്ങളും ഘോഷയാത്രയില് അണിനിരക്കും. (onam festival 2022 closing ceremony today at thiruvananthapuram)
കേന്ദ്രസംസ്ഥാന സര്ക്കാര്, അര്ധ സര്ക്കാര്, സഹകരണ തദ്ദേശ സ്വയംഭരണ വകുപ്പുകള് തുടങ്ങിയവ അവതരിപ്പിക്കുന്ന നിശ്ചല ദൃശ്യങ്ങള് കിഴക്കേകോട്ട വരെ നീളുന്ന ഘോഷയാത്രയില് പങ്കെടുക്കും. പത്ത് ഇതരസംസ്ഥാനങ്ങളിലേയും കേരളത്തിലേയും തനത് കലാരൂപങ്ങള് ഉള്പ്പെടെ എണ്പതോളം കലാരൂപങ്ങളും ഘോഷയാത്രയ്ക്ക് മിഴിവേകും.
വൈകീട്ട് ഏഴിന് നിശാഗന്ധിയില് സമാപനസമ്മേളനവും സമ്മാനദാനവും നടക്കും. നടന് ആസിഫ് അലിയാകും മുഖ്യ അതിഥി. വൈകീട്ട് മൂന്നിന് ശേഷം നഗരത്തിലെ വിദ്യാഭ്യാസസ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ട്. ഘോഷയാത്രയോടനുബന്ധിച്ച് നഗരത്തില് പ്രത്യേക ഗതാഗതക്രമീരണവുമുണ്ടാകും.
